ՀՀ աշխատանքի և սոցիալական հարցերի նախարարությունը տրամադրում է միանվագ 250,000 դրամ ֆինանսական աջակցություն Թրաֆիքինգի և շահագործման, սեռական բռնության ենթարկված անձանց։

ՀՀ աշխատանքի և սոցիալական հարցերի նախարարությունը օրենսդրությամբ սահմանված ծառայություններ է մատուցում մարդկանց թրաֆիքինգի և շահագործման, սեռական բռնության ենթարկված անձանց։ 

ՀՀ աշխատանքի և սոցիալական հարցերի նախարարությունը ապաստարանի ծառայություններ է մատուցում ընտանեկան և կենցաղային բռնության ենթարկված անձանց։ Միջոցառման շրջանակում իրականացվում է օրենսդրությամբ սահմանված ծառայությունների մատուցում ՀՀ տարածքում և Երևան քաղաքում ընտանիքում բռնության ենթարկված անձանց։ 

ՀՀ աշխատանքի և սոցիալական հարցերի նախարարությունը աջակցության կենտրոնների ծառայություններ է տրամադրում ընտանեկան և կենցաղային բռնության ենթարկված անձանց։ 

ՀՀ աշխատանքի և սոցիալական հարցերի նախարարությունն ընտանեկան բռնության ենթարկված անձանց տրամադրում է մինչև 150 հազար դրամի չափով ֆինանսական աջակցություն։ Ֆինանսական աջակցության տրամադրման գործընթացը կարգավորվում է «Ընտանիքում բռնության ենթարկվածների ժամանակավոր աջակցության հաշվեհամարի տնօրինման կարգը սահմանելու մասին» ՀՀ կառավարության 29 մարտի 2019 թվականի N 333-Ն որոշմամբ։ 

Ընտանեկան և կենցաղային բռնություն գործադրած անձանց ռեաբիլիտացման ծրագիրը սահմանում է համալիր միջոցառումներ և դրանց կազմակերպման կարգ, որոնք ուղղված են ընտանեկան և կենցաղային բռնություն գործադրած անձին հոգեբանական և սոցիալական աջակցության տրամադրման, առողջության վերականգնման, վնասակար սովորույթներից (ալկոհոլամոլություն, թմրամոլություն, թունամոլություն, խաղամոլություն) ձերբազատման միջոցով նրա կողմից կրկին բռնություն գործադրելու կանխմանը: