Քննարկմանը մասնակցել են նաև Հայաստանում ՄԱԿ-ի մշտական ներկայացուցիչ Ֆրանսուազ Ժակոբը, ՄԱԿ-ի ծառայությունների Եվրոպայի և Կենտրոնական Ասիայի տարածաշրջանային տնօրեն Թիմ Լարդները, Հայաստանի արհմիությունների կոնֆեդերացիայի նախագահ Էլեն Մանասերյանը, Հայաստանի գործատուների հանրապետական միության նախագահի տեղակալ Նարե Սարգսյանը, Համաշխարհային բանկի ավագ խորհրդատու Իրինա Ղափլանյանը, ինչպես նաև տարբեր գերատեսչությունների և կազմակերպությունների ներկայացուցիչներ։

 

Երկխոսության ընթացքում անդրադարձ է կատարվել տնտեսական զարգացման, զբաղվածության, սոցիալական արդարության և կենսաբազմազանության պահպանության համատեղ ապահովմանը, ինչպես նաև բնապահպանական և սոցիալ-տնտեսական ընդհանուր նպատակների փոխլրացմանն ուղղված ներառական քաղաքականությունների մշակմանն առնչվող մի շարք հարցերի։

 

Իր ելույթում Լուսինե Քոչարյանն ընդգծել է, որ «կանաչ» անցումը ենթադրում է ոչ միայն բնապահպանական և տեխնոլոգիական փոփոխություններ, այլև աշխատաշուկայի ու սոցիալական քաղաքականության վերափոխում։ Այս համատեքստում նախարարի տեղակալը շեշտել է զբաղվածության արդյունավետ քաղաքականության իրականացմանը, մասնագիտական կրթության զարգացմանը, աշխատողների վերապատրաստմանն ուղղված շարունակական աշխատանքների կարևորությունը։

 

Նախարարի տեղակալը նշել է նաև, որ արդար անցումը պետք է ապահովի արժանապատիվ և անվտանգ աշխատանք, սոցիալական պաշտպանություն և հավասար հնարավորություններ բոլորի համար․ այս համատեքստում կարևորվել է նաև սոցիալական գործընկերությունը՝ որպես աշխատողների ու գործատուների շահերի հավասարակշռման կարևոր նախապայման։