Ասիական զարգացման բանկի (ԱԶԲ) նախաձեռնությամբ իրականացվող միջոցառմանը մասնակցում են տարբեր երկրների բարձրաստիճան պաշտոնյաներ, քաղաքականության մշակողներ, միջազգային կազմակերպությունների ներկայացուցիչներ, փորձագետներ։

 

Համաժողովի օրակարգում ներառված են Ասիայի և Խաղաղօվկիանոսյան տարածաշրջանի երկրների սոցիալական պաշտպանության համակարգերի զարգացման արդի միտումների վերաբերյալ մի շարք հարցեր, այդ թվում՝ աղքատության և անհավասարությունների նվազեցման, սոցիալական ներառման խթանման, սոցիալական պաշտպանության համակարգերի դիմակայունության և կայունության ամրապնդման վերաբերյալ։ Իրենց ելույթներում բանախոսներն անդրադարձել են նաև աղքատության և սոցիալական ներառմանն առնչվող մարտահրավերներին՝ դիտարկելով դրանց կարգավորման արդյունավետ քաղաքականություններն ու գործիքները։

Համաժողովի շրջանակում Լուսինե Քոչարյանը որպես բանախոս մասնակցել է «Ինքնուրույնության խթանում․ հաշմանդամություն ունեցող անձանց ներառող սոցիալական պաշտպանության համակարգեր» խորագրով նիստին։

 

 Նախարարի տեղակալը ներկայացրել է Հայաստանում ներառական սոցիալական պաշտպանության համակարգի ձևավորման ուղղությամբ իրականացվող բարեփոխումների ընթացքը՝ մանրամասնելով անձի ֆունկցիոնալության գնահատման համակարգի ներդրման, հաշմանդամություն ունեցող անձանց մատուցվող ծառայությունների, նրանց համար հավասար հնարավորությունների ապահովման ուղղություններով իրականացվող աշխատանքները։